02 January 2022 - ചെങ്ങമനാട് സർവീസ് സഹകരണ ബാങ്ക് സഹകാരികൾക്കായി നടപ്പിലാക്കുന്ന സഹകാരി പെൻഷൻ പദ്ധതിയുടെ ഭാഗമായുള്ള ഈ വർഷത്തെ പെൻഷൻവിതരണ ഉദ്ഘാടനം ബാങ്ക് പ്രസിഡൻ്റ് പി.ജെ.അനിൽ കപ്രശ്ശേരിയിൽ നിർവ്വഹിച്ചു. ഭരണ സമിതി അംഗങ്ങളായ എ.ആർ.സത്യൻ, എം.കെ.പ്രകാശൻ, മുൻ പഞ്ചായത്തംഗം പി.ആർ സോമൻ, കെ.ബി.ഷാഹി, എ.എം.നവാസ് എന്നിവർ പങ്കെടുത്തു. ബാങ്കിൻ്റെ മുതിർന്ന അംഗങ്ങളായ 883 പേർക്ക് പെൻഷൻ ലഭിക്കും. ഇതിനായി ഒമ്പതുലക്ഷം രൂപയാണ് ബാങ്ക് സഹകാരികൾക്കായി ചിലവഴിക്കുന്നത്.